bolla_tony_2006
مشرف
عدد الرسائل : 26
العمر : 34
تاريخ التسجيل : 11/08/2007
 | موضوع: المتزوجون  2007-08-12, 11:44 pm | |
|
أضحك مع المتزوجين
واحد ماشى مع خطيبته وأخر انسجام فقالها
"عارفة أية هو الحب وأية
الجواز؟" قالته "لا " قالها: "الحب زى
النجوم الجميلة اللى فى السماء"
قالتله"طب والجواز؟" قالها:"دى الحفرة
اللى واحنا بنبص على النجوم بنقع
فيها.."
واحد متجوز وقاعد في البيت وبيبص كتير في
عقد الزواج، مراته قالت
له: "بتبص في عقد الزواج ليه يا حبيبي؟"
قالها: "مش عارف يا حياتي
المأذون كتب تاريخ انتهاء العقد فين.
واحد نشر في إعلانات مبوبة :مطلوب
زوجة!!! تاني يوم جاله 100 جواب فيهم
نفس الرد: تاخد بتاعتي؟؟
واحد قاعد في أمان الله بيقرا الجرنان،
وفجأة جت مراته وضربته بغطا الحلة
فوق دماغه .. طرررررخ!!! الزوج: "فيه ايه
يا بنت الحلال؟ ليه كدا؟؟؟"
الزوجه:"ايه الورقه اللي في جيب بدلتك
ومكتوب عليها "سوسو"؟؟"
الزوج: "يا بنت الحلال، ده أسم الحصان
اللى بنشجعه في السباق!" الزوجه
صدقته وراحت لحالها... بعد اسبوع،الزوج
قاعد في أمان الله يقرا الجرنان،
وفجأة جت مراته وضربته بغطا الحلة على
راسه !! الزوج: "خير يابنت الحلال
في ايه تاني؟؟" الزوجه:"حصانك على
التليفون
مرة واحدة قالت لجوزها "إهدى حبيبى كدة
وأرجع زى زمان"، الراجل طلقها و
رجع لأيام العذوبية
مدرس رياضيات اتجوز مدرسة رياضيات خلفو
ولد شبه منحرف وبنت دايره على
حل شعرها
واحده وحشه بتقول لجوزها بكره عيد
ميلادى . قالها هنقف دقيقتين حداد
مره واحده بتقول لجوزها "تصدق إن أنا كل
يوم بحلم بيوم جوازنا"
قالها "هى لسه الكوابيس دى بتجيلك؟"
مرة واحد قال لصاحبه "عاوز أعمل لمراتي
مفاجأة فى عيد جوازنا" صاحبه
قالوا هتعمل إيه؟" قالوا "هوديها الصين"
قالوا "يا راجل فى عيد جوازكوا
العاشر توديها الصين، أومال فى عيد
جوازكوا الخمسة وعشرين هتعمل ايه؟"
فقالوا "هروح اخدها"
مرة دكتور دخل عنبر فى سراية المجانين
لقى واحد بيخبط دماغة فى الحيطة
سأل الممرضة ماله ده ؟ قالت أصله كان
بيحب واحدة ومتجوزهاش ..
دخل العنبر الى بعده لقى واحد بيضرب نفسة
بالشبشب قالها وده ماله
قالتله اصل ده الى اتجوزها ؟؟
الرجل: أنا عايز حاجه تهدي أعصابي يا
أستاذ!!
المحامي: لكن أنا محامي مش دكتور..
الرجل: عارف...ما أنا عايز أطلق مراتي!!
| |
|
sasa asas
مشرفة منتدي الترحيب والأهداءات
عدد الرسائل : 77
المزاج : مش ولا بد
تاريخ التسجيل : 10/08/2007
| | موضوع: رد: المتزوجون 2007-08-13, 10:50 am | |
| يا سلااااااااام
ايه التشريد اللى فى الزوجات ده
دا على اساس ان انتوا ملايكه
هههههههههههههههه
بس حلوه يا بولا
مردودالك | |
|
