قصائد للشاعر بيرم التونسى

موضوع: قصائد للشاعر بيرم التونسى 2007-08-17, 2:21 pm

الفـــــــــــــن

الفن يا أهل الطبيعة روح تخاطب روح بلغاها

و الفن يا أهل المحبة عين تكلم عين بنباهة

و الفن يا أهل القلوب صوت سكوت الموت أحياها

يا طالب الفن أفتح لك كتب فى الفن تقراها

يا مطول الشعر و مشلشل بدلدولتين و مبلم

شوف النجم فى السما متوهجة على فين و اتعلم

و شوف بكا العين و ضحل الفن فى الإثنين و اتكلم

ورد الخدود فن فيه الفن يتغير طول القدود فن فيه العين تتحير

و كل شئ فى الحياة متسير يا طالب الفن

يا أهل السودان يا عــــــــــــــــــــــرب

يا أهل السودان يا عرب يا مسلمين الله !

بيننا و بينكم نسب كل الأمم عرفاه

لا أنتم نسيتوه و لا حنا للأبد ننساه

و النهر بيننا و بينكم ربنا أجراه

و اللى شرب دمكم من دمنا رويناه

و اللى ركب ضهركم فوق ضهرنا هواه

و اللى وعدكم وعدنا بالنعيم و الجاه

و أدى و أنتم عرايا محتاجين لغطاه

لو كنا ننسى قرابتنا و نجرى وراه

حينفرط شملنا و نقول يا ندماه

أحبابنا يا عين

غناء : وردة

كلمات : بيرم التونسى

تلحين : فريد الأطرش

أحبابنا يا عين ما هم معانا

رحنا و راحوا عنا

ما حد منا إتهنى

عين يا عينى

أحبابنا بالروح جاروا علينا

يا هل ترى فى بالهم و لا نسيونا

نفسى أشوفه مرة دى الفرقة صعبة

و هى رحنا و راحوا عنا

ما حد منا إتهنى

عينى يا عين

فى كل يوم يزيد شوقى إليهم

روح يا نسيم سلم عليهم

بالله سلم عليهم

نفسى أشوفه مرة

دى الفرقة صعبة و مرة

رحنا و رحوا عنا

ما حد منا إتهنى

عين يا عينى

صــــــــــــــــــــدفه

إزاى زمان النور و الحرية

صادف زمان القنبلة الذرية

يا هل ترى صدفه كده طبيعية

و لا الصدف تخفى فى حكم إلهيه

شوف لما كنا زمان الحشمة

كان ربنا ناظر لنا بالرحمه

و لما أصبحنا مجرد لحمة

اللحمة يلزمها تبات مشوية

سكتت على المنكلا قسس و مشايخ

و اللى بيوعظ زى حالى

رايح واحدة و النبي إنك بايخ

و التانيه قالت يبتليك برزيه !

من كلمة هايفة

من هفوة أو كلمة هايفة نتحمق ونقوم

نسب و ندب و يدور العراك بالشوم

وكل محموق و له فرقة تقوم بهجوم

من قيل ما تعرف الظالم من المظلوم

تبقى الشرارة حريقة و السحابة حسوم

لا شركة تنجح و لاعيلة صفاها يدوم

و منين نشوف العدل و لا السفينة تعوم

مادمنا فوق قلبها قاعدين لبعض خصوم

تضحك علينا الحدادى فى السما و البوم

دوسيهــــــــــــــــــــــــات الدواوين

فى دى الدوسيهات أشغالك و أشغالى

بقالها خمسين سنة فى وضعها الحالى

فيها معاش أرملة يابو عيالي

و عرضحال شاب بائس م العمل خالى

و مشكلة وقف فاتها خورشيد و الوالى

حاططها صاحبك و بيقولك و نا مالى

دا حسنى بيه المدير العام باعتها لى

و لسه عايز إمضة مستشار عالى

و لا حاتنزل على الأرشيف طوالى

آدى النظام اللى خارب كل بيت مالى

و مركب الفقر أمثالك و أمثالى

الغش و الغــــــــــــلا

الأكل و الشرب فى إيد اللومنجية

و الطماعين اللى غلوا الملح و الميه

و الغشاشين اللى فاقوا على الحرامية

الشاى بالمفتشر مخلوط ملوخية

والبن فيه الشعير تسعين فى الميه

و الميه و العيش برمله و طينه يا ملوخليه

و اللحم معروض بدون أختام رسمية

و الميه هيه اللبن و لا اللبن هيه

أفاعى متسيبه من غير رفاعيه

و دنيا مترتبه ترتيب فلاتيه

فى الطريــــــــــــــق

أربع عساكر جبابرة يفتحوا برلين

ساحبين بتاعة حلاوة جاية من شربين

شايله على كتفها عيل عنيه وارمين

و الصاج على مخها يرقص شمال و يمين

إيه الحكاية يا بيه ؟ جال خالفت الجوانين ؟

إشمعنى مليون حرامى فى البلد سارحين

يمزعوا فى الجيوب و يفتحوا الدكاكين ؟

أسأل وزير الشئون و لا أكلم مين ؟

الأرض

يا أرض مالك كرهتى كل سكانك

في يوم زلازل و يوم يجرفنا طوفانك

و يوم عواصف و يوم يشتد بركانك

راح فين بهاكى و حلمك فين و حنانك ؟

رحيمه فاضت لنا بالخير أنهارك

جميله متزوقة فى وشى أزهارك

طروب تعزف لنا الأنغام أطيارك

كريمه ما ينقطع نخلك و رمانك

عرفـــــــــــــــــات

مواكب الإسلام جلية على عرفات

فى ملبس الإحرام ترتل الدعوات

متجردين لله من كل مجد و جاه

متضرعين لسماه و محتاجين لرضاه

يا موطن الأجداد فى سالف الآماد

استقبل الأحفاد فى أكبر الأعياد

جايه وفود الكون من كل جنس ولون

و من بعيد و قريب حبيب يلاقى حبيب

أخوةالإسلام للكل دين و نظام

الروم ماهم أروام و لا العجم أعجام

و الميه هيه اللبن و لا اللبن هيه

أفاعى متسيبه من غير رفاعيه

و دنيا مترتبه ترتيب فلاتيه
***
إيه الحكاية يا بيه ؟ جال خالفت الجوانين ؟

إشمعنى مليون حرامى فى البلد سارحين

يمزعوا فى الجيوب و يفتحوا الدكاكين ؟

أسأل وزير الشئون و لا أكلم مين ؟
****
و منين نشوف العدل و لا السفينة تعوم

مادمنا فوق قلبها قاعدين لبعض خصوم
***
شوف لما كنا زمان الحشمة

كان ربنا ناظر لنا بالرحمه
****
حاططها صاحبك و بيقولك و نا مالى

دا حسنى بيه المدير العام باعتها لى

قـــــــــــــــــــوللى و لا تجبيش

قولى ولا تخبيش يا زين إيش تقول العين للعين

لما العين تشوف حبيب تقوله و لا تخشاش رقيب

بعيد وصالك و لا قريب يوم الوعد نشوفك فين

هاد والله كلام العين و الله كلام العين للعين

و اللى يوافى المحبوب بيوم الوعد علهش ذنوب

يوافى الوعد و لا ينساه إذا كان فيه شفاه و دواه

و ياما ذنوب يغفرها الله و ربك و الله رب قلوب

هاذا هو القول المطلوب و الله هو القول المطلوب

قولى و لا تخشاش ملام حلال القبلة ولا حرام

القبلة إن كانت للملهوف اللى على ورد الخد يطوف

ياخدها بدل الواحدة ألوف و لا يسمع للناس كلام

قولى يا عالم بالأشواق الحب حلو و لا حراق

الحب حلاوته بالقنطار

يدوقوا منها كبار و صغار

حلاوة تطول فى الأعمار

إذا ما يكونش وراها فراق

المركب

يا موج البحر يا رايق واصل منين وفين سايق

اروح شرقي تتابعني واروح غربي تطاوعني

وانا في الروحة والجاية

بفكر في حبيب ليه

احبايا اللي زاد شوقي اليهم نسوني قد ما فكرت فيهم

أمانة يا نسيهم سلم عليم

ولاطفهم ولاغيهم وفكرهم وعابثهم

على قلة مكاتبهم

يا بحر

يا بحر جينا . . . فاكرنا ولا ناسينا

احنا اللي فتناك وفاتتنا امانينا . . .

زرنا الحبايب لاقيناهم أعداينا

عشنا مفارقين . . . ورجعنا بقلب حزين

يا ريت يا بحر . . لارحنا وا جينا

يهنانا دا الهوى اتبدل ياما بعد الشده تتعدل

الفرح بيجري ورانا وحبيب القلب او جانا

شدي قلوعك يا سفينة دا البدراهو هل علينا

وافرحي يا طيور المينا ويا بحر افرح ويانا . . .

ويا صابر قول للشاطر دا النصر يكون في الآخر

اتقدم ولا اتأخر الدنيا اهي وفق هوانا

مرحب مرحب

غناء :- فريد الاطرش

مرحب مرحب مرحبتين بالمهجه والروح والعين

بقدومك يا اعز حبيب فرحه وتمت للقطرين

خلوه مبارك تحطيها تطوى الاعوام

ونخلى الوطن العربى ساير قدام

وليله القدر رايناها وكانت احلام

فرحه هزت ياهناها قلب التسعين

ايدى فى ايدك ياخى والنصر قريب

ارض العروبه قنالك كلها اوطان

من شرقها لغربها الكل لك اخوان

وين ما توجهت توجد منزلك فى امان

فى مصر فى نجد فى سوريا فى لبنان

اسأل الله يبلغنى كل المقصود

واشوف الامه العربيه من غير حدود

حبيته ولكن ما بقولش

غناء :- فريد الاطرش

حبيته ولكن ما بقولش اكمنى بحب وما بطولشى

يكفينى منه احلامى وخيالى وفكرى واوهامى

اتصور وجه قدامى واقوله كلام مايحصلشى

اللى سلب عقلى وجننى حرمانى وهو ه قريب منى

ويشوفنى حزين ولايفهمنى ياخساره الحلو ما يكملشى

كان هون فى عذابه اقله وحبيبه مايقدريقوله

يالله توكلنا

غناء : فريد الاطرش

يالله توكلنا على الله واللى خلق عباده ما نساه

اللى تكاله الخلاق يبات سعيد ويعيش فرحان

والكسره تبقى فى ايده رقاق واللورى يصبح بولمان

اوعى يامرعش قلبك يرعش وانتبه لى هنا هليهلى

توته معانا واهى فرحانه ويابخت من يقصد مولاه

بالله توكلنا على الله

مع الخضار رايحين مصرياناس مع الطماطم والقلقاس

ده قال سعيد وبشره خير رايحين يحطو ع الراس

سيد ياحزين افراح وانشر بكره ما حا تقول اه

بالله توكلنا على الله

ماشين رايحين مصر بتحوق جعان ويشحت الجعانين

مدد ياعم عاشور ياعشور شارع محمد على فين

دا راح يجمعنا بس لو يسمعنا

بالله توكلنا على الله

الاهات

غناء ام كلثوم

اه من لقاك فى اول يوم ونظرتك لحب بعينك

خاصم عيونى ليلتها النوم

وبت اسأل روحى عليك

يا هلترى راح يعطف على فؤادى متلهف

تقول لى روحى ... اه

العقل ياربى ضامع ومتبرد

والقلب فى جنبى يسكت ويتنهد

اه من لقاك فى اول يوم ومن رجايا ومن حبى اه

واه لما يلفت امالى وفرحت بك والجو صفا لى

ومليت كاساتك وسقيتها لى

اشرب بأيدى كاس يروينى

واشرب بأيدك كاس يكوينى

بات السرور كله بينى وبينك متقسم

والزهر ويانا ينظر لنا ويتبسم

والطير يغنى لى والموج يقول وياه ... اه

يادى النعيم اللى وجدناه واللى دخلناه...اه

واه لما منعت ودادك والانس ده اتبدل ببعادك

غالطت حسادى وحسادك

اصبرواتظاهر بالفرح والبهجه

والصبر فى الظاهر والمر فى البهجه

تعالى شوف الطير اهو نام

من قبل وقت النوم االظلام

واتبدل الزهر اللسام لا عطر ينعش ولا انغام

ده الانس كان انت والانسجام انت

والزهر كان انت والابتسام انت

ما احسبش ده كله فى يوم يضيع منى

واجرى وراء ظله اللى ابتعد عنى

ما تقول لى فين انت

اه ناسينى اسست وهديت

اه ياللى عمرت واخليت

اه ياللى اضحكت وابكيت اه من رضاك وصدك اه

انا فى انتظارك

غناء ام كلثوم

انا فى انتظارك خليت نارى فى ضلوعى وحطيت

ايدى على خدى وعديت

بالثانيه غيابك ولا جيت

ياريتنى عمرى ماحبيت

عايز اعرف لا تكون غضبان

او شاغل قلبك انسان

خليتنى من يأسى اقول الغيبه دى تغيب على طول

واتفكر ايه اللى جنيت من ذنبى يسيئك مالاقيت

ياريت ... ياريت

اتقلب على جمر النار ... واتشرد ويا الافكار

النسمه احسبها خطاك والهمسه احسبها لقاك

على كده اصبحت وامسيت

وشافونى وقالوا اتجنيت

ياريتنى عمرى ماجبيت

تواعدنى بسنين وايام وتجيبنى بحجج وكلام

وتسلم وتمر قوام او تخلف وتقول لى نسيت

ياريتنى عمرى ماجييت

ظلمــــــــــــــــــــــــونى الناس

ظلمونى الناس ظلمونى و الجانى فاتوه و تهمونى

ظلمونى الناس ظلمونى و الحق معايا و سقونى

من أساهم و لاحنوا علي ضعف ضنايا

و الدنيا على مساعداهم و أنا قلبى كبير و لالى نصير

و لاأملك غير دمع عيونى ظلمونى الناس

الظالم يعينوه على ظلمه و يزيدوا المسكين على همه

الحق أهو باين فى إيدى و يقولوا دا الحق على

و الناس قاسيين على المساكيين

حاربونى الكل و غلبونى

ظلمونى الناس

سلمت إليك أمرى ياربى

غيرك ما لقيت يرحم غلبى

اليأس تعنيه من فضلك

و اليائس تنظر له بعدلك

أنا صنع إيديك و تكالى عليك

أنصرنى على اللى ما نصفونى

ظلمونى الناس