اللى شايف نفسه ابو العريف ييجى

طبعا لأن كل واحد فينا عنده فضول وبحث وراء المعلومة الطريفة انا جاتلى فكرة مخيفة
ايه رايكم كل واحد فينا يدخل يقول مثل شعبى مشهور زي ( اللى ميعرفش يقول عتس ) او ( احنا دفنينه سوى )؟
بعد كده يختار العضو اللى عايز يعرف منه اصل المثل ده او ظهر ازي المثل ده؟
وطبعا لأنى مش ضامن ان الكل يدخل يشارك العضو الذى يتم اختياره يتم ارسال رسالة خاصة له لاعلامه بانه قد تم اشراكه فى المسابقة
اما بالنسبة للى ما يعرفش يجاوب فرأي ان احنا نحوله لسجن بنوتة علشان ننعش السجن ده شوية

جامدة الفكرة دى

بس مش انت تبدا الاول

ماشى واول واحد انت يا بولا
قولى يا سيدى
اصل المثل اللى بيقول
اللى ما يعرفش يقول عدس

ليلتك سودا

صبرك عليا

ولا اعرف

عروستى

انا عارفه اقول

كان واحد فقير وجعان قوى

وواحد غنى قوى وبخيل مش راضى يدى للغلابه حاجه

الفقير من جوعه دخل مخزن الغنى يسرق شويه من غله العدس اللى فيه

لقى فى اشوله العدس ذهب وفلوس كتير اخد منها كتير وجرى

والراجل البخيل يجرى وراه ويقول امسك حرامى والناس اللى متعرفش تقول

حرام ده غلبان وسارق شويه عدس سيبه فيقولهم اللى ميعرفش يقول عدس

قولى انت بقى يا سونى قصه المثل (اللى اختشوا مااتو)

اخ ماشى يا ساسا انتى كده اشعلتى فتيل المعركة ولتبدأ اصل الحكاية بتقول باختصار

ان زمان كان فيه حمام للسيدات بيروحوا ليه للاستحمام و التدليك و كده
في يوم حصل حريق جامد في الحمام ده بعض السيدات خرجن من الحمام
وهم عرايا عشان ينفدوا من موت محقق
اما البعض الاخر اللي اتكسفوا و اختشوا انهن يخرجوا عرايا فضلوا في الحمام وماتوا
وعشان كده طلع المثل ده اللي اختشوا ماتوا

ساسا اصل المثل اللى بيقول
ده احنا دافنينه سوا

تقريبا كانت ريا بتقولها لسكينه
هههههههههههههههههههه

انا اقولكوا يا جماعها المثل بتاع احنا دفنينه سو

ان في اتنين دفنوا كلب و عملوا له مقام و قالوا للناس ان المقام ده

لشيخ من اهل الخطوة والناس بدات تيجي و تدفع فلوس عشان يتبركوا بالقبر

و في اخر اليوم و هما بيتحاسبوا اختلفوا فواحد فيهم قال و مقام الشيخ المدفون ده انا مظلوم

التاني قالله عيب ده احنا دفنينه سوا والله اعلم

هههههههههههههههههههههه دوى الحكايه من طقطق لاسلامو عليكوااا

عاوز خد يفسرلى ان كان حبيبك طور البسلوه احمر

مشكور على لعبة